Bipolar Fam?!

Minsan.. ay hindi, kadalasan mas gusto ko pa na nasa labas o kaya nasa  kwarto nalang ako kesa nasa bahay ako. Alam mo kung bakit? paano kasi kapag nasa bahay ako, sumasakit ang ulo ko sa ingay nila MAMA, ni PAPA, ng mga KAPATID ko, tapos nag-sasabay pa sa kalikutan ang dalawang PAMANGKIN ko. Napapagod ang katawang lupa ko na dapat hindi naman dahil wala naman ako ginagawa sa bahay. Para kameng pamilyang puro bipolar! ang mood swings namin mag-anak iba! na kahit ako nga e naloloka din. Tawanan ng tawanan mamaya mag-aayaw, maya tawa nanaman, tapos bait-baitan epek, tapos mamaya sisigaw naman. Anu ba yun?! Kaya nga siguro ganito ko kasi ganun din sila sa bahay. *haha!*

Si Mama at si Papa, masasabi kong mabait naman sila. Pero grabe yun dalawa na yun bipolar siguro yun. Parang hindi matatapos ang araw na walang away, yung isa ayaw papa-talo, yung isa naman pilosopo. Kadalasan pinag-aawayan nila yung kita ng trak namin. Paano naman kasi itong si fathership kung maka-pamigay ng anda wagas! kala mo wala na kaming kaylangan bayaran na iba. Tapos ito namang si mothership ma-boka syempre pinagsa-sabihan si papa, eh yung isa naman pilosopo tasyong tunay kaya si mama lalong umiinit ang ulo, gagawin niya uulit-ulitin niya yung sinasabi nya hanggang sa mainis din yung isa. Tapos maya ok na sila ulit, asahan mo mga ilang minuto lang or hours mag-kasama nanaman sila, aalis nanaman yun tapos pag-balik kung anu-anong dala. Kaya nga minsan hina-hayaan ko nalang sila pag-ganun kase sumasakit ulo't tenga ko.

Si ate naman, kahit wala siya dito at nasa Japan siya hindi parin nagpa-pahuli. Pag nag-skype siya ang lagi niya lang kausap si janelle yung pamangkin ko, kung anu-ano pinag-uusapan nila na wala naman kwenta yung iba kase bata nga. Tapos minsan, ipapa-tawag niya si papa, pag-lumapit naman sa cam wala naman pala sasabihin. Minsan ang sungit din nun, may itatanong kalang sakanya, maga-galit na siya tapos sasabihin niya "ayoko ng tinatanung ako." *kadalasan ganun din ako kasi ayoko din ng tinatanung ako e, ewan ko ba! bipolar nga kse* Pero syempre mabait yun, ksi lagi niya inaalala sila papa, ska sila janelle tapos binibili niya ko ng mga gusto ko. *yun yon!haha!*

Ang kapatid ko naman, isa ding sira-ulo. Isipin mo mas nauuna pa bumagon anak niya kesa sakanya, pag papasok sa school si janelle mauna pa siya gumayak tapos si mothership ang magbibihis kay bagets. Anu ba yun?! *estudyante din?*

Hilig niya papa-iyakin yun anak niyang si jay-jay tapos pag-umiyak tuwang-tuwa naman siya patahanin. Ang cute daw kasi umiyak ng baby, luka talaga.

Nakiki-sabay din sakin yan sa ka-adikan ko sa Kpop, kung makapag-spazz sa kpop artist ganun-ganun nalang! parang dalagang tulad ko. At eto pa, wag ka! at nag-member pa ang lola sa isang fansclub. *na actually member din ako dun. haha!

At ito juice-me naman, nung bakasyon tumanda ata ako ng 5years at nagkaroon ako ng sungay kaka-bawal at kaka-sigaw sa dalawa kong pamangkin. Kung maki-kita niyo ko sa bahay para kong cd-tape na laging naka-replay e, lagi ko nga line dun..

"Ano ba?! hindi ba kayo titigil?! kanina pa binabawalan diba?! iligpit mo yang kalat mo sabe eh!!"

"Sabi ko tama diba?..bakit ayaw tumigil?..hindi ba ko nai-intindihan?

Sungit kong tita nuh? sorry sila *evil laugh*.

Si jay-jay kasi kahit 2years old palang ang kulit-kulit na, lagi niyang kina-kalat mga laruan nila, ako naman wala magagawa kaya pulot sige! *papa-galitan kase ko ni mama* pero yun kahit papano nasasaway ko pa. Kahit awayain ko yun, konting pa-cute bumigay nadin ako. Saka ang lambing kasi nung batang yun. Kaya minsan pag napapa-iyak ko utuin ko lang ng konti okay na kame, bati na ulit.

At si janelle, grabe hindi talaga kame mag-kasundo nung bagets nayun! Kapag nagka-lapit kame isa samen uma-aray. Hindi ko talaga kina-kaya kamalditahan niya, magaling din siya umaarte bubuwisitan ka tas mauna pa iiyak. Mortal enemy kame nun, minsan nga sa sobrang kulit niya parang gusto ko na siya itapon sa labas *haha!* pero huwag ka 4 years old palang siya. Manang-mana nga daw sakin sa ka-malditahan sabi ng kapatid ko, sabi ko naman e kaya siguro di kame magka-sundo.

Pero kahit bipolar sila * kame pala* proud akong family ko sila kaya naman loves na loves ko sila. Kahit na pinapa-sakit nila katawang lupa ko at naririndi na tenga ko kaka-sigaw ng mga pamangkin ko loves ko parin sila. Kahit na tumanda ako ilang years kaka-bawal at kaka-pakinig sa mga nobela ni mama, at mga walang sawang awayan nila ni papa eh loves na loves ko parin sila. Kahit na madalas ay maingay sa bahay, masaya naman kame at lagi kaming magka-kasama. Hindi ko sila pag-papalit kahit kanino kasi loves ko sila, kahit na nga bipolar yun mga yun.  :))